Dibab ar skol vrezhonek
Perak dibab ur skol divyezhek galleg brezhoneg evit e vugel ?
Perak dibab ur skol divyezhek galleg brezhoneg evit e vugel ? 6’30 evit gouzout hiroc’h hag ober un dibab emskiant, a-drugarez da filmig Ofis Publik ar Brezhoneg evit broudañ ar gerent da ginnig un deskadurezh divyezhek d’o vugale.
Bezañ divyezhek, evel ouzhpenn hanter an dud war ar blanedenn, krouiñ ul liamm dibar gant hon dachenn vevañ, deskiñ aesoc’h yezhoù ha danvezioù all evel ar matematikoù pe ar sonerezh… : setu un tañva eus gounidoù ar c’helenn divyezhek evit ar vugale, lakaet war wel gant ar gerent, klaskerien, skolaerien pe c’hoazh ar vugale o-unan.
Kendrec’het eo Rannvro Breizh e ranker saveteiñ ha diorren ar brezhoneg, dre-se e vez kaset a-benn ur bolitikerezh youlek evit treuskas ar yezh dre an deskadurezh divyezhek brezhoneg-galleg (eus ar skol-vamm d’al lise), o ambroug an Deskadurezh Stad, a zigor bep bloaz klasoù publik divyezhek nevez, met ivez re ar rouedad Diwan hag an deskadurezh prevez divyezhek dindan kontrad.
Dizoloit ha rannit film Ofis Publik ar Brezhoneg (OPAB) evit lakaat da c’houzout perzhioù dibar an deskadurezh divyezhek ha broudañ ar gerent da enskrivañ o vugale er skolioù vrezhonek !